O Día escolar da paz celébrase o 30 de xaneiro porque Mahatma Gandhi, líder pacifista que promoveu a resistencia pacífica fronte á inxustiza, foi asasinado un 30 de xaneiro de 1948. Con intención de defender a paz e o entendemento entre persoas de diferente procedencia e modos de pensar, este ano o noso alumnado de Correspondentes Xuvenís repartiu adhesivos alusivos ao tema entre toda a comunidade educativa. Dun xeito activo, invitaron aos seus compañeiros e aos docentes que se cruzaron no seu camiño a comprometerse en actuar a favor da paz e en contra da violencia.
