Blog Biblioteca IES Saturnino Montojo

Para celebrar o Día da muller e a nena na ciencia (11 de febreiro), e en colaboración cos Departamentos de Matemáticas, Tecnoloxía e Física e Química, durante unha semana convertemos a Biblioteca nun laboratorio improvisado.  As nosas compañeiras científicas encargáronse de organizar unha serie de xogos para que os nosos rapaces e rapazas máis novos conseguirán familiarizarse con mulleres que desenvolveron e desenvolven actualmente un papel exitoso no mundo da ciencia.   E polas súas mans pasaron persoeiros como Marie Curie e Ángeles Alvariño… pero tamén outras figuras menos coñecidas (pero non menos relevantes) como Hedy Lamarr. Quen sabe se espertamos alguna vocación con esta entretida actividade...    

 Os nosos alumnos e as nosas alumnas de Voluntariado encargáronse de organizar unha xornada informativa para explicarlle o funcionamento da nosa Biblioteca ao alumnado de 1º de ESO. Con tal motivo, os Voluntarios/as deseñaron distintas actividades de carácter lúdico que conseguiron gañar a atención dos nosos rapaces máis novos, entusiastas participantes na actividade.