Blog Biblioteca IES Saturnino Montojo

Para tratar de concienciar ao noso alumnado sobre a necesidade de loitar contra a violencia de xénero, abrimos as portas das nosas aula a unha educadora social enviada polo concello. Da súa man experta, os nosos alumnos e alumnas aprenderon a identificar actitudes relacionadas coa violencia machista e comprenderon a necesidade de axudar ás vítimas dese tipo de abusos mediante o apoio directo e/ou a denuncia cando resulta preciso.

  O 25 de novembro celebramos o Día Internacional da Eliminación da Violencia contra a Muller. Coa intención de sensibilizar ao noso alumnado contra a violencia que moitas mulleres padecen en diferentes lugares do mundo  desenvolvemos durante todo o día diferentes actividades en que participou toda a comunidade educativa. En primeiro lugar, os nosos alumnos e alumnas investigaron sobre o número de mulleres asesinadas en España durante o ano 2024.  A continuación, deseñamos no corredor de entrada un sendeiro que simulase o camiño cara a liberdade para todas esas mulleres que sofren en silencio abusos físicos e/ou psicolóxicos.    Porque con axuda, sempre hai saída.