Blog Biblioteca IES Saturnino Montojo

 O pasado 27 de maio xuntamos ao noso alumnado do Club de narrativa de 4 ESO cos rapaces e rapazas do Club de lectura do IES de Catabois e viaxamos xuntos a Rianxo coa intención de facer o Roteiro de Castelao . Foi unha xornada intensa que todos abordamos con enerxía. Comezamos o noso camiño coa visita á casa do gran poeta Manuel Antonio. Da man do noso compañeiro Alberto, coñecemos o seu pasado revolucionario e as súas ansias por participar tanto na Primeira Guerra Mundial coa Lexión Estranxeira francesa, como na Revolución Rusa de outubro. Tamén coñecemos a súa amizade con Dieste, Risco ou Castelao, o seu contacto coas Vangardas, ou a influencia que supuxeron para a súa poesía o folklore popular galego, o saudosismo portugués ou os haikus xaponeses. Non esquecemos tampouco o seu activismo político e cultural en compaña das figuras máis relevantes da época. Ou a súa gran paixón polo mar, que tan ben reflectiu nos seus poemarios. Un pouco tristes tras descubrir a súa morte precoz p...

Aproveitando que este ano se celebra o 75 aniversario da morte de Castelao, organizamos tanto na biblioteca como nos corredores do noso centro unha exposición con materiais relacionados coa obra do noso admirado político, escritor e ilustrador galego. Nela incluimos non material escrito: ensaios, novelas, libros de relatos ou obras de teatro. Pero tamén ilustracións varias organizadas en series.

    Con intención de analizar a situación da lingua galega na nosa comunidade, reunimos ao noso alumnado nun faladoiro na nosa biblioteca.    O debate resultou moi intenso e ameno.    Todos e todas coincidiron en que o emprego da lingua galega está nunha situación crítica e que deberiamos traballar para tratar de revertir un proceso que parece imparable. Foi maioritaria a opinión de que estamos ante un problema basicamente social derivado da perda de prestixio do galego na nosa comunidade. En relación coa idea anterior, puidemos coñecer de primeira man a opinión de alumnado estranxeiro, que observa con sorpresa os prexuízos de compañeiros e compañeiras no momento de empregar a lingua galega na súa vida cotiá.        As propostas para a mellora no emprego do galego foron moitas, e todas interesantes.   Houbo quen asegurou que unha parte do problema radica na escasa presenza do galego en produtos audiovisuais dirixidos aos m...

Con motivo da celebración das Letras Galegas, o alumnado de Proxecto interdisciplinar visitou a residencia DomusVi para compartir unha mañá cos maiores que viven nela. Foi unha xornada moi intensa na que os nosos rapaces e rapazas, co seu recitado de cantigas, trataron de lembrar a xuventude dos usuarios. Mozos e anciáns compartiron anécdotas, cantaron e bailaron, riron e desfrutaron dunha   

O 23 de maio, o noso grupo de teatro escolar, Os Saturninos, estreou no teatro Jofre a obra "De cine".  Organizada en tres actos, "De cine" mostra as vivencias de varias mulleres que loitan por liberarse de figuras maculinas abusivas que lles impiden ser felices. O primeiro acto narra a historia de Eva, que debe escoller entre Xurxo, o seu mozo controlador e dominante, e a súa carreira profesional. No segundo acto, Lidia ten que fuxir de Raúl, un home celoso que pretende apartala de familia e amigos para illala e controlar completamente a súa existencia. O acto final reproduce o duro acoso que sofre unha rapaza no grupo de Whatsapp de clase tras abandonar o seu mozo. Teatro con G: De cine

 Coa axuda do noso alumnado de Correspondentes Xuvenís, sacamos aos corredores os carteis que enviou a Consellería con información sobre as cantareiras.  Todos quixeron colaborar e resultou unha tarefa amena e participativa. E pronto o resto do alumnado puido dispor de material informativo de calidade para empregalo posteriormente en tarefas de aula.