Blog Biblioteca IES Saturnino Montojo

Para celebrar o Día da muller e a nena na ciencia (11 de febreiro), e en colaboración cos Departamentos de Matemáticas, Tecnoloxía e Física e Química, durante unha semana convertemos a Biblioteca nun laboratorio improvisado.  As nosas compañeiras científicas encargáronse de organizar unha serie de xogos para que os nosos rapaces e rapazas máis novos conseguirán familiarizarse con mulleres que desenvolveron e desenvolven actualmente un papel exitoso no mundo da ciencia.   E polas súas mans pasaron persoeiros como Marie Curie e Ángeles Alvariño… pero tamén outras figuras menos coñecidas (pero non menos relevantes) como Hedy Lamarr. Quen sabe se espertamos alguna vocación con esta entretida actividade...    

 Aproveitando o día de San Valentín, os rapaces e rapazas do centro puideron explicar en tarxetas deseñadas para a ocasión qué é o amor para eles.  Durante o recreo lemos algunhas das propostas e, posteriormente, establecemos un faladoiro para descubrir qué significa este sentimento e para tratar de desterrar falsos mitos.