Blog Biblioteca IES Saturnino Montojo

  Organizado por Carme, a nosa compañeira do equipo da biblioteca, o alumnado participante en Proxecto Interdisciplinar escribiu postais de Nadal dirixidas aos usuarios da residencia de maiores DomusVi, próxima ao noso centro educativo.  Nunha xornada moi emotiva, os rapaces e rapazas repartiron as felicitacións entre os anciáns da residencia e compartiron con eles e elas os seus mellores desexos para o remate do ano 2024 e para o comezo do 2025.

  O 20 de novembro visitáronnos dous novísimos emprededores para presentar ante o noso alumnado un xogo de mesa da súa creación.   A través dunha dinámica moi entretida e interesante, esta proposta lúdica busca denunciar os abusos consumistas e potenciar o consumo responsable, sobre todo (aínda que non exclusivamente) entre os rapaces e rapazas adolescentes.  Durante esta amenísima xornada, aprendemos a xogar. E xogamos varias partidas emocionantes e disputadísimas. Incluso os nosos compañeiros de ciclo, curiosos ante a diversión dos seus compañeiros da ESO, se apuntaron a participar da nosa proposta.  

O 29 de novembro celebramos na nosa bilioteca o primeiro faladoiro do curso. Coordinado polas nosas compañeiras do equipo, Carme, Rocío e Julia, nesta ocasión o tema escollido para o debate entre o alumnado xurdiu da seguinte pregunta: Cres que IA vai mellorar a sociedade? Realmente as respostas dos nosos alumnos e alumnas foron moi variadas. A maioría considerou que os beneficios que nos ofrece a IA son moi superiores aos seus posibles prexuízos, porque xa é unha ferramenta case imprescindible en áreas como a medicina, a enxeñería ou a economía.  Destacaron o seu papel na mellora da eficiencia dos procesos e, sobre todo, na optimización da precisión en determinadas actividades (operacións...), coa conseguinte redución dos erros humanos. Non obstante, tamén sinalaron a necesidade de actuar con prudencia para evitar posibles problemas relacionados coa ética e coa xustiza. E, sobre todo, para manter viva a esencia do ser humano en diferentes actividades relacionadas co mundo artístic...

Capitaneado por Rocío Piñón, profesora de Química e por Julia Ríos, profesora de Matemáticas, o noso alumnado celebrou o Día da muller e a nena na ciencia (11 de febreiro).  As nosas compañeiras científicas encargáronse de organizar unha exposición destinada a dar a coñecer os logros mulleres científicas no campo da Astronomía.   E polas súas mans pasaron pioneiras Hipatia de Alexandría, Nicole-Reine Lepaute ou Caroline Lucretia Herschel...  pero tamén outras figuras menos coñecidas como as galegas Isa Rebollido Vázquez ou Raquel Fraga-Aceiñeiras.  Rematamos a xornada cunha explicación a escala sobre o funcionamento do noso sistema solar. Quen sabe se espertamos alguna vocación con esta entretida actividade...

Para tratar de concienciar ao noso alumnado sobre a necesidade de loitar contra a violencia de xénero, abrimos as portas das nosas aula a unha educadora social enviada polo concello. Da súa man experta, os nosos alumnos e alumnas aprenderon a identificar actitudes relacionadas coa violencia machista e comprenderon a necesidade de axudar ás vítimas dese tipo de abusos mediante o apoio directo e/ou a denuncia cando resulta preciso.

  No ano 2019 Unicef España puxo en marcha o Barómetro de opinión da infancia e a adolescencia , un proxecto de investigación deseñado para dar a coñecer de xeito anual as opinións e as preocupacións dos nenos e adolescentes no noso país.   A través da análise de enquisas respondidas por rapaces e rapazas de 11 a 18 anos, o Barómetro permite analizar a percepción da nosa xuventude sobre cuestións diversas: que problemas perciben na sociedade en que viven, que elementos consideran claves para o seu benestar persoal, cal é a influencia das circunstancias persoais, educativas e familiares no seu desenvolvemento individual…   Os últimos resultados deste estudo mostran que a porcentaxe de mozos e mozas preocupados polas desigualdades, o machismo e a violencia de xénero non deixou de caer dende o 2019. Mentres na primeira edición do Barómetro este problema ocupaba o primeiro lugar entre as inquedanzas dos nosos e as nosas adolescentes, na segunda edición pasou ao oitavo pos...