ACTIVIDADES INTERXENERACIONAIS: FALAMOS DA ESCOLA

 O día 29 de marzo, e dentro das actividades interxeneracionais que desenvolvemos en colaboración coa Fundación ABANCA, os nosos alumnos e alumnas de 4º ESO participaron na iniciativa FALAMOS DA ESCOLA.


 

Esta actividade, que permite o enriquecedor intercambio de información entre o noso alumnado e persoas dunha xeración moi anterior, dividiuse en dúas etapas. Nun primeiro momento, recibimos a visita de Esther Maseda, Josefa Ávarez e Jesús Victoria, que nos falaron sobre as súas experiencias educativas. A raíz da súa participación, os rapaces e rapazas puideron reflexionar sobre os cambios no acceso á educación no noso país, pero tamén sobre a necesidade de educarse como paso para acadar unha formación íntegra como persoa.  



 

Nun momento posterior, acudimos cos rapaces á propia Fundación Abanca para desenvolver a segunda parte da actividade: reflexionar sobre cal debe ser o papel da educación na sociedade contemporánea. Neste caso, o alumnado foi organizado en grupos coordinados por un maior que se encargou de dirixir e planificar o proceso. O resultado foi profundamente enriquecedor para todos os participantes!!!



 

Comentarios

Publicar un comentario

Entradas populares de este blog

DÍA DA MULLER E A NENA NA CIENCIA

Imagen
Capitaneado por Rocío Piñón, profesora de Química e por Julia Ríos, profesora de Matemáticas, o noso alumnado celebrou o Día da muller e a nena na ciencia (11 de febreiro).  As nosas compañeiras científicas encargáronse de organizar unha exposición destinada a dar a coñecer os logros mulleres científicas no campo da Astronomía.   E polas súas mans pasaron pioneiras Hipatia de Alexandría, Nicole-Reine Lepaute ou Caroline Lucretia Herschel...  pero tamén outras figuras menos coñecidas como as galegas Isa Rebollido Vázquez ou Raquel Fraga-Aceiñeiras.  Rematamos a xornada cunha explicación a escala sobre o funcionamento do noso sistema solar. Quen sabe se espertamos alguna vocación con esta entretida actividade...
Leer más

FALADOIRO: LINGUA GALEGA, SI OU NON?

    Con intención de analizar a situación da lingua galega na nosa comunidade, reunimos ao noso alumnado nun faladoiro na nosa biblioteca.    O debate resultou moi intenso e ameno.    Todos e todas coincidiron en que o emprego da lingua galega está nunha situación crítica e que deberiamos traballar para tratar de revertir un proceso que parece imparable. Foi maioritaria a opinión de que estamos ante un problema basicamente social derivado da perda de prestixio do galego na nosa comunidade. En relación coa idea anterior, puidemos coñecer de primeira man a opinión de alumnado estranxeiro, que observa con sorpresa os prexuízos de compañeiros e compañeiras no momento de empregar a lingua galega na súa vida cotiá.        As propostas para a mellora no emprego do galego foron moitas, e todas interesantes.   Houbo quen asegurou que unha parte do problema radica na escasa presenza do galego en produtos audiovisuais dirixidos aos m...
Leer más